居屋收樓流程｜收樓後7日必做清單＋損壞情況報告表範例｜居屋執修順序教學
收到入伙信，興奮過後第一件事唔係裝修，而係跟足居屋收樓流程，喺收樓後7日內完成驗樓、填寫損壞情況報告表、按居屋執修順序安排維修。本文係一份完整新居屋驗樓懶人包，朗風苑、匯熙苑、裕豐苑、影輝苑、啟陽苑準業主必睇。
收樓最怕唔係見到問題，而係「唔知下一步要做咩」。好多業主一拎匙就搵裝修師傅度尺、買傢俬，結果發現發展商要執修嘅地方同裝修撞期，一係拖慢入伙，一係要自己孭飛。以下係收樓後7日內一定要完成嘅步驟。
1. 居屋收樓流程：首7日黃金期 6 大步驟
1
解讀收樓信：三封信先後次序
展開居屋收樓流程之前，業主會收到 3 封信：
- 第一封：房屋署通知信 — 提醒你準備按揭、聯絡律師。
- 第二封：房委會「正式收樓通知信」 — 憑信預約收樓。
- 第三封：管理處確認收樓日期 — 當日帶齊文件。
💡 重點：未收到第二封信之前，唔好自己走去管理處，佢哋唔會俾匙你。
2
收樓當日：拎匙 + 拎「損壞情況報告表」
管理處會俾你 單位鎖匙、業主手冊，同埋一份 「損壞情況報告表」。呢份表就係向房署申報問題嘅官方文件，必須喺收樓後7日內交回。
記住：未交表之前，千祈唔好開始裝修，否則房署有權拒絕執修。
▲ 填妥報告表有助房署快速執修
3
安排專業驗樓師（收樓後3日內）
自己睇未必睇到空鼓、斜水、滲漏先兆。專業驗樓師會用儀器同經驗，喺 2-3 小時內出全單位缺陷報告，為居屋執修順序打好基礎。建議預約收樓後 第1-3日 內到場。
▲ 驗樓師利用專業儀器檢測浴室地台濕度，及早發現滲漏隱患。
4
填寫「損壞情況報告表」｜附範例
房署份表空間有限，只寫「牆身裂痕」好容易被求其處理。正確做法： 將驗樓報告內容逐項抄入，標明位置並附上相片編號。
📝 填寫範例（節錄）：
• 位置： 主人房窗台左側窗框
• 問題： 膠邊老化破損，導致積水及關窗後有縫隙。
• 要求： 更換膠邊並清理積水。
• 位置： 主人房窗台左側窗框
• 問題： 膠邊老化破損，導致積水及關窗後有縫隙。
• 要求： 更換膠邊並清理積水。
▲ 圖例：窗框積水等具體問題需清楚寫入報告表。
5
提交報告 & 追蹤執修進度
將填好嘅表連同相片交去管理處，記得拎返 蓋章副本。一般輕微問題會喺 1 星期內 完成；涉及喉管、防水嘅問題，可能需要 2-4 星期。每完成一項，務必親自或搵驗樓師 覆檢。
6
執修完成後，先好開始裝修
一旦裝修師傅動過牆身或地台，房署可以話「係你裝修整壞」而拒絕負責。一定要等所有執修項目簽收確認後，先好俾裝修師傅入場。
2. 一圖睇清：正確的居屋執修順序
✅ 必跟安全次序：
- 收樓拎匙 + 領取損壞情況報告表
- 3日內安排專業驗樓師排查
- 整合報告，7日內交回表格給房署
- 承建商執修 → 業主覆檢確認
- 正式開始裝修工程
⚠️ 致命常犯錯誤：
收樓後即刻搵裝修師傅「度尺兼扑牆」。一旦師傅整花牆身或敲爛磁磚，房署會界定為人為損壞，直接Cut走你個免費執修保養！
收樓後即刻搵裝修師傅「度尺兼扑牆」。一旦師傅整花牆身或敲爛磁磚，房署會界定為人為損壞，直接Cut走你個免費執修保養！
3. 五大新居屋特別提醒
▲ 針對部分新居屋濕區問題，驗樓團隊會進行嚴格的牆磚試水檢測。
📍 朗風苑
周邊交通配套未成熟，建議盡快安排驗樓師一次過檢查，減少日後往返跟進嘅麻煩。
📍 匯熙苑
過往案例顯示窗框滲水報告較多，收樓時務必要求或自行安排進行詳細嘅窗邊噴水測試。
📍 裕豐苑
廚房及廁所磁磚空鼓比率偏高，一定要用空鼓棒逐塊敲，避免日後爆磚。
📍 影輝苑 / 啟陽苑
預留充足時間俾房署完成執修再安排裝修；一年保養期內如發現結構問題，仍可向房署申報。
4. 預約專業驗樓｜幫你7日內完成申報
信誠專業樓宇服務專注新居屋驗樓，會喺收樓後7日黃金期內到場，用高階儀器同實戰經驗幫你出齊報告。等你填損壞情況報告表時有圖有真相，防止發展商推卸責任。